ဒေါက်တာ Mild နှင့် အမေးအဖြေ (အပိုင်း – ၁၁၄)

1.
Smile Lay 
ဆရာရှင့် ကလေး၂ နှစ်နဲ့ ၁၀ လပါရှင့်။ ဒီအရွယ်မှာ မူကြိုကျောင်းပျော်ထားသင့်ပါသလားရှင့်။

ထားသင့်မသင့်ထက် ဒါဟာ မိဘတွေရဲ့ ဆုံးဖြတ်ချက်ပါပဲ… ကလေးက ပျော်နေဖို့တော့ လိုပါတယ်... တချို့ လေ့လာမှုတွေအရကတော့ ငယ်ရွယ်လွန်းချိန်မှာ စာဖတ်စေခြင်း၊ စောစီးစွာ ကျောင်းထားခြင်းစတာတွေဟာ နောက်ပိုင်း ကလေးရဲ့ ပညာရေးကို အနည်းနဲ့အများ ထိခိုက်စေတယ်လို့ ဆိုပါတယ်… ဒါကြောင့် သူကိုယ်တိုင်က ဖတ်ချင်လို့ ဖတ်တာ၊ ရေးချင်လို့ ရေးတာမဟုတ်ဘဲ ကလေးကို အတင်းအကျပ် သင်တာမျိုး၊ ကျောင်းသွားစေတာမျိုး မပြုလုပ်သင့်ဘူးလို့ အကြံပြုလိုပါတယ်…

ကျန်းမာပျော်ရွှင်ပါစေ
Dr.Mild
-----------------------------
2.
မြတ် ဖူး ဝေ 
ဆရာကြီးရှင့် သားလေးက ခေါင်းခဏခဏပူတတ်ပါတယ်။ ပြီးတော့ချွေးလည်း အရမ်းထွက်ပါတယ်။ ခေါင်းပူပီးရင် အဖျားလေးတွေပါတတ်ပါတယ်။ သမီးတို့က ဖျားရင် SaRa ပါရာစီတမော့ရည်ကိုတိုက်ပါတယ်။ တိုက်တုန်းခဏတော့ ကိုယ်ပူကျပါတယ်။ နောက်သိပ်မကြာဘူး ခေါင်းပူပီးပြန်ဖျားတတ်ပါတယ်။ သားက ခုလ၂၈ ရက်နေ့ဆို တစ်နှစ်ပြည့်ပါပြီ။ ဆယ့်တစ်လသားလောက်ကတည်း ခုလို ခဏခဏဖြစ်ပါတယ်။ ဖျားတုန်းတော့ ဆေးခန်းပြပါတယ်။ ပြတုန်းပျောက်ပြီးတော့ ခုခေါင်းလေးတွေပူနေလို့ပါ။ SaRa ကို ခဏခဏတိုက်ရင်လည်း ဥာဏ်ထိုင်းမှာကြောက်လို့ပါရှင့်။

ကလေးကို အဖျားတိုင်းတာကြည့်ပါ… သတ်မှတ်ကိုယ်အပူချိန်ဆိုရင် ခေါင်းပူတာ၊ ခေါင်းချွေးထွက်တာ ပြဿနာ မဟုတ်ပါဘူး… သတ်မှတ်အပူချိန်ထက် များမှသာ ဖျားတယ်လို့ ဆိုနိုင်ပါတယ်… အောက်ကပေးထားတဲ့ Link မှာ ခေါင်းချွေးထွက်ခြင်းအကြောင်းကို ဖတ်ရှုနိုင်ပါတယ်…

ကလေးငယ်နှင့် ခေါင်းချွေးထွက်ခြင်းအကြောင်း သိကောင်းစရာ
ကျန်းမာပျော်ရွှင်ပါစေ Dr.Mild ----------------------------- 3. ခင်သက် မာ ဆရာရှင့် သားလေးက တီဘီဆေးသောက်တာ ခြောက်လပြည်တော့မယ်ရှင့်။ ဆေးသောက်ပြီးရင် တီဘီရောဂါမရှိတော့ဘူးလား သိချင်ပါတယ်ရှင့်။ ဆရာဝန်က ထပ်လဲမစစ်ခိုင်းတော့ပါဘူး။ ရောဂါမရှိတော့မှန်း ဘယ်လိုသိနိုင်မလဲရှင့်။ သားလေးက တစ်နှစ်နဲ့ လေးလရှိပြီ။ လမ်းလဲမလျှောက်သေးလို့ စိုးရိမ်ရလားရှင့် သိချင်ပါတယ်။ ဆေးသောက်ပြီးရင် ရောဂါအခြေအနေကို ပြန်လည် စစ်ဆေးသင့်ပါတယ်… ကလေးငယ်တွေမှာ ဒီလို ရောဂါပြဿနာ ကြီးကြီးမားမားဝင်တဲ့အခါ သူတို့ရဲ့ ဖွံ့ဖြိုးမှု နှုန်းက နောက်ကျတတ်ပါတယ်… ကလေးအထူးကု ဆရာဝန်နဲ့ ဆွေးနွေးတိုင်ပင်သင့်ပါတယ်… ကျန်းမာပျော်ရွှင်ပါစေ Dr.Mild ----------------------------- 4. Waine Lay ဆရာရှင့် ကျွန်မ သမီးလေးက 10 လပါ။ ဆီးချိုရောဂါသည် ယောက္ခမက ကလေးကို မုန့်တွေ ဝါးဝါးကျွေးနေလို့ ကလေးမှာ ဆီးချိုရောဂါ ဖြစ်နိုင်လားရှင့်။ ဆီးချိုရောဂါဟာ ကူးစက်တတ်တဲ့ ရောဂါမဟုတ်ပါဘူး… ဒါကြောင့် လုံးဝမကူးစက်နိုင်ပါဘူး… ကျန်းမာပျော်ရွှင်ပါစေ Dr.Mild ----------------------------- 5. Toon Phyu Zin Htut သမီးလေးက ၂ နှစ်ပါ။ ဆံပင်အရှည်ထားပေးတော့ နေ့တိုင်းခေါင်းလျှော်ပေးဖြစ်တယ်။ နေ့တိုင်းခေါင်းလျှော်ပေးရင် ကလေးထိခိုက်နိုင်လား အကြံပြုပေးပါဦးရှင့်။ ရာသီဥတု၊ ကလေးရဲ့ ကျန်းမာရေး စတာတွေအပေါ် မူတည်ပြီး ခေါင်းလျှော်ပေးနိုင်ပါတယ်… နေ့တိုင်းလျှော်လို့ ကလေးထိခိုက်နိုင်တယ်လို့တော့ မရှိပါဘူး… ကျန်းမာပျော်ရွှင်ပါစေ Dr.Mild ----------------------------- 6. ချစ်စုလေး ကိုကို သမီးက ၃ လကျော်ပြီ ဆရာ။ သူ့ဝမ်းက ရေညှိလိုစိမ်းနေလို့စိုးရိမ်ရလား။ မိခင်ကတော့အရွက်စားတယ် အဲ့ဒါကြောင့်လားရှင့် ကလေးကတော့မငိုဘူးလန်းတယ်ရှင့် ပြောပြပေးပါဆရာလေး။ အထူးကုတွေနဲ့က မိုင် ၅၀ ကျော်ဝေးနေလို့ပါ။ ဝမ်းစိမ်း မကြာခဏ သွားနေရင်တော့ ကျန်းမာရေး စစ်ဆေးသင့်ပါတယ်... ဝမ်းစိမ်းသွားစေတဲ့ အကြောင်းအရာအချို့ကတော့- - အစားအစာအတွင်း အစိမ်းရောင်ခြယ် ပစ္စည်းများစွာ ပါဝင်ခြင်း (ဥပမာ ဆိုးဆေး) - တိုက်ကျွေးသည့် ဆေး အချို့တွင် အစိမ်းရောင်ပါဝင်ခြင်း - အစာ အူထဲသို့ ဖြတ်သန်းမှုနှုန်း မြန်ဆန်ခြင်း အစရှိသည်တို့ ဖြစ်ပါတယ်... ကလေးက လန်းနေတယ်၊ နေကောင်းနေတယ်ဆိုရင်တော့ ယေဘုယျအားဖြင့် စိုးရိမ်စရာ မရှိပါဘူး… ကျန်းမာပျော်ရွှင်ပါစေ Dr.Mild ----------------------------- 7. လမင်းချစ်လေး ဆရာရှင့် သမီးလေးက 7 လပိုင်းကုန်ရင် တစ်နှစ်ပြည့်ပါပြီ။ သွေးလွန်တုပ်ကွေးကာကွယ်ဆေးထိုးလို့ရလား ဆရာ။ ဆေးထိုးပြီးရင် ဆေးရဲ့ကောင်းကျိး ဆိုးကျိးလေးပြောပြပေးပါလား ဆရာ။ သမီးလေးကို ဆရာဝန်က တစ်နှစ်ပြည့်မှလာပြလို့ပြောထားပါတယ်။ အဲဒီအချိန်မှထိုးလို့ရလား ဆရာ။ သွေးလွန်တုပ်ကွေးကို ကာကွယ်ဖို့ ခြင်မကိုက်အောင် ဂရုစိုက်ပေးပါ... ကလေးကို နေ့ခင်းဖြစ်စေ၊ ညဖြစ်စေ အိပ်တဲ့အခါတိုင်းမှာ ခြင်မကိုက်အောင် ခြင်ထောင်အတွင်းမှာ အိပ်ပါစေ... (အပြင်ကနေ ခြင်ကိုက်ခြင်းကို သက်သာအောင် ခြင်ထောင်ကို ဆေးစိမ်ပေးနိုင်ပါတယ်...) အင်္ကျီလက်ရှည်ဝတ်ပေးခြင်းကလည်း ခြင်ကိုက်ခြင်းကို သက်သာစေနိုင်ပါတယ်... သွေးလွန်တုပ်ကွေး ကာကွယ်ဆေးက သိရသလောက် မြန်မာပြည်မှာ ထိုးလို့ မရသေးပါဘူး… ပြင်ပ ဆေးခန်းတွေမှာ ရနေပြီလားတော့ မပြောတတ်ပါဘူး… အစိုးရကတော့ တရားဝင် မထိုးပေးသေးပါဘူး… ကျန်းမာပျော်ရွှင်ပါစေ Dr.Mild ----------------------------- 8. Moe Yanant တုတ်ကွေးကာကွယ်ဆေးကို ၄.၆.၁၈ ကမှ ထိုးပေးထားပါ။ ဒေါက်တာ ၁၄.၆.၁၈ မှာ သားက ဖျားပါတယ်။ မဖျားခင်ရက်က နှာစေးပါတယ်။ ကာကွယ်ဆေးထိုးထားရက်နဲ့ ဘာလို့ဖျားရတာလည်း ပြောပြပေးပါနော်။ ကာကွယ်ဆေးထိုးထားတိုင်း မဖျားဘူးလို့ မဆိုလိုပါဘူး… ကလေး ဖျားနာစေတဲ့ အကြောင်းအရင်းများစွာ ရှိပါတယ်… သာမန် အအေးမိလည်း ဖျားတယ်၊ တုပ်ကွေးလည်းဖျားတယ်၊ တခြား ဖျားစေတဲ့ အကြောင်းအရာတွေလည်း များစွာ ရှိပါတယ်… တုပ်ကွေးကာကွယ်ဆေးဆိုတာလည်း ရှိသမျှ တုပ်ကွေး အားလုံးကို ကာကွယ်နိုင်တာမဟုတ်ဘဲ အဖြစ်များတဲ့ တုပ်ကွေး ဗိုင်းရပ်စ်ပိုးတွေကိုသာ ဖြစ်ပွားမှု နည်းအောင် ကာကွယ်ပေးတာမျိုး ဖြစ်ပါတယ်… ကျန်းမာပျော်ရွှင်ပါစေ Dr.Mild ----------------------------- 9. Wine Su ဆရာရှင့် ကလေးမှာ ရေနွေးလောင်ရင်ထွက်တဲ့အဖုလို သံကာရည်ဖုလေးတွေထွက်နေလို့ပါ။ အဲဒါက ဘာအဖုတွေမှန်းမသိလို့ စိုးရိမ်ရလားရှင့်။ အရေပြားဆိုင်ရာ ပြဿနာဖြစ်တဲ့အတွက် စမ်းသပ်စစ်ဆေးမှုတွေ လိုအပ်ပါတယ်… ကလေးအထူးကု ဆရာဝန် ဒါမှမဟုတ် အရေပြား အထူးကု ဆရာဝန်နဲ့ပြသ စစ်ဆေးကြည့်ပါလို့ အကြံပြုလိုပါတယ်… ကျန်းမာပျော်ရွှင်ပါစေ Dr.Mild ----------------------------- 10. Snow Cherry ဆရာရှင့် ညှစ်ပီးသားနို့ကို နို့ဘူးနဲ့ပဲ သိမ်းလို့ရလားရှင့်။ သိမ်းထားလို့ရပါတယ်… သန့်ရှင်းဖို့သာ အရေးကြီးပါတယ်… ကျန်းမာပျော်ရွှင်ပါစေ Dr.Mild ----------------------------- 11. Lu Pyo Lay ဆရာရှင့် ကျွန်မသားလေးက ၄ လထဲမှာပါ။ နို့စို့နည်းနေပါတယ်ရှင်။ ကလေးရဲ့ ကိုယ်အလေးချိန် တိုးတက်မှု ပုံမှန်ရှိနေရင် ပြဿနာ မရှိပါဘူး… ကိုယ်အလေးချိန်ကို မှန်မှန် တိုင်းတာကြည့်ပေးပါ… ကျန်းမာပျော်ရွှင်ပါစေ Dr.Mild ----------------------------- 12. Athellay ဆရာရှင် ကျွန်မသားလေးကနှစ်လပါ။ ကျွန်မ ၃ လခံဆေးထိုးထားပါတယ်။ ကလေးထိခိုက်နိုင်လားရှင်။ ထိုးပြီမှသိရတာလေးရှိလို့ပါ။ ၃ ဆေးထိုးရင် နို့မှာအာဟာရဓာတ်မရှိတော့ဘူးလို့ ပြောကြတယ်။ ပြီးတော့ နို့ခမ်းတယ်ဆိုတာဟုတ်ပါလားရှင် ကျေးဇူးတင်ပါတယ်။ ၃ လခံဆေးကို ထိုးတာ အရမ်းစောရင် မိခင်နို့ထွက်တာ ကို အနည်းငယ် အနှောင့်အယှက် ဖြစ်စေတာကြောင့် ကလေးမွေးပြီး ၆ ပတ်အကြာမှာ ထိုးရင် ကောင်းတယ်လို့ US FDA က ဆိုပါတယ်… ဒါကြောင့် အခုကလေး ၂ လမှာ ထိုးတာမလို့ သိပ်ပြဿနာ မရှိဘူးလို့ ဆိုနိုင်ပါတယ်… ကျန်းမာပျော်ရွှင်ပါစေ Dr.Mild ----------------------------- 13. MA Nyein ခြင်မကိုက်အောင်လိမ်းတဲ့ဆေးရှိလား။ G6PD ရောဂါရှိတဲ့ကလေးရော လိမ်းလိုရလား။ ကလေးတွေဟာ ငယ်ရွယ်သေးတာကြောင့် ဆေးတစ်ခုခု လိမ်းဖို့ထက် ခြင်မကိုက်အောင် ကာကွယ်ဖို့ပဲ အဓိက တိုက်တွန်းချင်ပါတယ်... ကလေးကို နေ့ခင်းဖြစ်စေ၊ ညဖြစ်စေ အိပ်တဲ့အခါတိုင်းမှာ ခြင်မကိုက်အောင် ခြင်ထောင်အတွင်းမှာ အိပ်ပါစေ... (အပြင်ကနေ ခြင်ကိုက်ခြင်းကို သက်သာအောင် ခြင်ထောင်ကို ဆေးစိမ်ပေးနိုင်ပါတယ်...) အင်္ကျီလက်ရှည်ဝတ်ပေးခြင်းကလည်း ခြင်ကိုက်ခြင်းကို သက်သာစေနိုင်ပါတယ်... ကျန်းမာပျော်ရွှင်ပါစေ Dr.Mild ----------------------------- 14. KO Than Htay ဆရာရှင့် ကလေးဝမ်းကနည်းနည်းသွားနေတယ်။ အရည်က အစိမ်းရောင်ပါ။ ကလေးက ဘာမှမဖြစ်ဘူးရှင့်။ ထမင်းလည်း စားတယ်။ နေလည်း ကောင်းတယ်။ ကလေး ၆ လပြည့်လို့ ၆ရက်ရှိပါပြီ။ အဲဒါဘာဖြစ်လို့ ဘာဖြစ်လို့လဲရှင်။ ဝမ်းစိမ်း မကြာခဏ သွားနေရင်တော့ ကျန်းမာရေး စစ်ဆေးသင့်ပါတယ်... ဝမ်းစိမ်းသွားစေတဲ့ အကြောင်းအရာအချို့ကတော့- - အစားအစာအတွင်း အစိမ်းရောင်ခြယ် ပစ္စည်းများစွာ ပါဝင်ခြင်း (ဥပမာ ဆိုးဆေး) - တိုက်ကျွေးသည့် ဆေး အချို့တွင် အစိမ်းရောင်ပါဝင်ခြင်း - အစာ အူထဲသို့ ဖြတ်သန်းမှုနှုန်း မြန်ဆန်ခြင်း အစရှိသည်တို့ ဖြစ်ပါတယ်... ကလေးက လန်းနေတယ်၊ နေကောင်းနေတယ်ဆိုရင်တော့ ယေဘုယျအားဖြင့် စိုးရိမ်စရာ မရှိပါဘူး… ကျန်းမာပျော်ရွှင်ပါစေ Dr.Mild ----------------------------- 15. Aye Nandar လေးနှစ်အရွယ်ကလေး ခေါင်းကိုက်တာဟုတ်လား သိချင်ပါတယ်။ ခေါင်းကိုက်တာ၊ နာတာ ဖြစ်နိုင်ပါတယ်… ကလေးက သူခံစားရတဲ့ ဝေဒနာကို သူနားလည်သလို ပြောမှာပါပဲ… ကျန်းမာပျော်ရွှင်ပါစေ Dr.Mild ----------------------------- 16. နန့်အေး သီတာ ဆရာ သမီးလေးက 1 နှစ်ခွဲပါ။ နေ့ဘက်ကြတော့ ချောင်းမဆိုးဘူး။ ညဘက်ကြတော့ ချောင်းထဆိုးပြီး အန်ပါအန်တယ်ဆရာ။ ချောင်းဆိုးရင် လည်ချောင်းမှာ သလိပ်ကပ်နေသလို ခံစားရတယ်ဆရာ။ 2 ညတော့ရှိပြီ စိတ်ပူရလားဆရာ။ ချောင်းဆိုးခြင်း၊ အန်ခြင်း စတာတွေဟာ ဖြစ်ပွားရတဲ့ အကြောင်းရင်းကို သေချာ စစ်ဆေးဖို့ လိုအပ်ပါတယ်… ဒါကြောင့် စနစ်တကျ စမ်းသပ်စစ်ဆေးဖို့ ဆရာဝန်နဲ့ပြသကြည့်ပါ… ကလေးကို ရေများများတိုက်ပါ… ကျန်းမာပျော်ရွှင်ပါစေ Dr.Mild ----------------------------- 17. Nyi Pu ကလေးက ၂ လနဲ့ ၁၀ ရက်ပါ။ တွေတဲ့လူတိုင်းက အောက်ပိုင်းသေးတယ်ပြောကြတယ်။ ကလေးဖင်လေးက အပေါ်ပိုင်းနဲ့စာရင် သေးသေးလို့ ဘယ်လိုလုပ်ပေးရမလဲ။ မမြင်ရတော့ ပြောရခက်ပါတယ်… ဆရာဝန်နဲ့ ပြသကြည့်ပါလို့ အကြံပြုလိုပါတယ်… ကလေးကျန်းမာရေး ပုံမှန်ရှိမယ်၊ ဖွံ့ဖြိုးမှု ပုံမှန်ဖြစ်နေမယ်ဆိုရင်တော့ ယေဘုယျအားဖြင့် စိတ်ပူစရာ မရှိဘူးလို့ ယူဆနိုင်ပါတယ်… ကျန်းမာပျော်ရွှင်ပါစေ Dr.Mild ----------------------------- 18. Beloved May နှလုံးဆေး သောက်နေရတဲ့ မိခင်။ နို့စို့ကလေးကို ထိခိုက်နိုင်ပါသလားရှင့်။ သောက်ရတဲ့ ဆေးဝါးအပေါ်မှာ မူတည်ပါတယ်… မိမိသောက်နေတဲ့ ဆေးတွေကိုဆရာဝန်နဲ့ ပြသဖို့ လိုအပ်ပါတယ်… ကျန်းမာပျော်ရွှင်ပါစေ Dr.Mild ----------------------------- 19. Aye Aye San မီးမီးက လေးလကျော်ပါပြီ။ မိခင်က အလုပ်တစ်ဖက်နဲ့မို့ နို့ဘူးတိုက်ပါတယ်။ မိခင် အလုပ်ချိန် ၉ နာရီကနေ ညနေ ၆ နာရီအတွင်းကို နို့ 120ml လောက်ပဲစို့တယ် စိုးရိမ်ရလား။ ကလေးတစ်ယောက်နဲ့ တစ်ယောက် ပမာဏ လိုအပ်ချက်က ကွာခြားတတ်ပါတယ်… ကလေးအသက်တစ်လ မှာ မိခင်နို့ပမာဏ ၈၀မှ ၁၅၀ အတွင်း လိုအပ်ပါတယ်… တဖြည်းဖြည်း အသက်ကြီးလာတာရယ် ကိုယ်အလေးချိန်တိုးလာမှာရယ် အရ လိုအပ်ချက် များလာပါမယ်… ကိုယ်အလေးချိန်အရ ပြောရရင် ယေဘုယျအားဖြင့် 5 lbs အတွက် - 300 ml 7 lbs - 450 ml 10lbs - 700 ml 12lbs - 850 ml 14lbs - 1000 ml (တစ်လီတာ) စသဖြင့် လိုအပ်ပါတယ်… ဒါဟာ တစ်နေ့လုံး အတွက် လိုအပ်တဲ့ အတိုင်းအတာ ဖြစ်ပါတယ်… ကျန်းမာပျော်ရွှင်ပါစေ Dr.Mild ----------------------------- 20. Nan Ciesor သမီးလေးက ခု ၇ လထဲမှာပါ။ မွေးပြီးတစ်လပြည့်တော့ ကလေးဆရာဝန်က Baby Vit အားဆေးပေးတယ်ရှင့်။ အဲဒါ ခုထိလဲတိုက်နေတုန်းမို့ အမြဲစွဲတိုက်လို့ရမလားရှင့်။ ကျေးဇူးပြုပြီး ဖြေပေးပါရှင့်။ တိုက်ကျွေးနိုင်ပါတယ်… ကျန်းမာပျော်ရွှင်ပါစေ Dr.Mild ----------------------------- 21. လဲ့လဲ့ စိုး ဆရာကလေးက ၂ နှစ်နဲ့ တစ်လပါဆရာ။ ကလေးက ပိန်နေတယ်။ အားဆေးတိုက်ရလား။ ဘယ်လိုလုပ်ရမလဲ။ ကျေးဇူးပြု၍ ဖြေပေးပါရှင်။ ကလေးရဲ့ ကိုယ်အလေးချိန်ကို တိုင်းတာကြည့်ပေးပါ… သတ်မှတ် ကိုယ်အလေးချိန်အတွင်း ရှိနေရင် စိတ်မပူရပါဘူး… ကလေး အစားစားတာ နည်းနေရင်တော့ အစားစားချင်စိတ်ပိုများအောင် Lysine ဓါတ်ပါဝင်တဲ့ အားဆေးတစ်မျိုးမျိုး တိုက်ကျွေးပေးနိုင်ပါတယ်… ကျန်းမာပျော်ရွှင်ပါစေ Dr.Mild ----------------------------- 22. Sun WuKong မိခင်နို့ထွက်နည်းလို့ ကူညီပါခင်ဗျ။ ကလေးက တစ်လ ၆ ရက်သားလေးပါ။ မိခင်နို့ထွက်များစေဖို့ကတော့ မိခင်နို့တစ်မျိုးတည်းသာ ဆက်တိုက်ပါ... နို့တိုက်နည်း မှန်ကန်စေဖို့ စနစ်တကျ သင်ယူပါ… အကြိမ်ရေ စိပ်စိပ်တိုက်ကျွေးခြင်းကလည်း ကလေးစုပ်ယူမှုကြောင့် မိခင်နို့ပိုထွက်စေဖို့ အထောက်အကူဖြစ်စေပါတယ်… မိခင်က ရေများများသောက် အစားအစာ အာဟာရ ပြည့်ဝအောင်စားပါ... တဖြည်းဖြည်း ကလေးအတွက် နို့အလုံအလောက် ထွက်လာပါလိမ့်မယ်... ကျန်းမာပျော်ရွှင်ပါစေ Dr.Mild ----------------------------- 23. Yuyu Love ဆရာ ကလေးက ခေါင်းမော့နေတာ ဘာဖြစ်တာလဲရှင့်။ လည်ပင်း ကြွက်သားတွေ ဖွံ့ဖြိုးကာစမှာ ဒီလိုပဲ ဖြစ်တတ်ပါတယ်… စိတ်ပူစရာ မရှိပါဘူး… ကျန်းမာပျော်ရွှင်ပါစေ Dr.Mild ----------------------------- 24. Thant Akari ဆရာရှင့် ကလေးက ၂၆ ရက်ပဲရှိပါသေးတယ်။ ချောင်းတွေအရမ်းဆိုးပြီး နှာစေးနေလို့ပါ။ နောက်ပြီးချွဲလည်းရှိနေပါတယ်။ ဘယ်လိုလုပ်ရမလဲရှင့်။ ပြောထားတဲ့ လက္ခဏာတွေအရရယ်၊ ကလေးက ငယ်လွန်းတာရယ်ကြောင့် စနစ်တကျ ဆရာဝန်နဲ့ပြသစစ်ဆေးတာ အကောင်းဆုံး ဖြစ်ပါတယ်… ကျန်းမာပျော်ရွှင်ပါစေ Dr.Mild ----------------------------- 25. Ei Ei Khine ကလေး ဝမ်းသွားရင် ဘာလုပ်ရမလဲ သိချင်ပါတယ်ရှင့်။ ၂ လကလေးပါ။ ဝမ်းပျက်နေချိန်မှာ မိခင်နို့ကို ပုံမှန်အချိန်ထက် ပိုတိုက်ကျွေးပေးပါ… ကလေး ဝမ်းသွားတာ အရမ်းများရင် ဓါတ်ဆားရည် ပြန်တိုက်ကျွေးပေးရပါမယ်… ဒီထက်ပိုဆိုးပြီး ရေဓါတ်ဆုံးရှုံးမှုများတဲ့ လက္ခဏာတွေ ရှိနေရင်တော့ နီးစပ်ရာ ကျန်းမာရေး ဆေးခန်းကို သွားရောက် ပြသရပါမယ်… ကျန်းမာပျော်ရွှင်ပါစေ Dr.Mild -----------------------------

No Comments

Enroll Your Words

To Top